Má birta deyjandi konu?

Mér finnst frekar ósiðlegt að birta myndskeið af deyjandi konu miðað við hitt og þetta sem er ekki birt. Hún liggur þarna í dauðakippunum og með hræddan föður sinn yfir sér.

Fátt má birta í dag og ég sé það ekki fyrir mér að mbl.is myndi birta myndskeið af kynlífi, nöktu heilbrigðu fólki og öðru skemmtilegu án þess að fyrir það yrði "blurrað".

En blóð, morð, deyjandi fólk og annað í þeim dúr þykir gott og blessað að birta eða hvað?

Ég held að heimurinn sé orðinn ónæmur fyrir viðbjóðnum sem viðgengst í Íran. "Æ, þetta er í þarna búrkukerlingalandinu þar sem alltaf er stríð."

Amerískar bíómyndir eru gott dæmi um spillingu á því sem má birta og dettur mér þá í hug myndin This film has not been rated sem meðal annars fjallar um það að ekki mátti gefa út bíómynd þar sem lesbískar konur kysstust nema banna hana börnum. En ekki þurfti að banna hana vegna morða og nauðgana sem sáust í myndinni.

 

Dauði andófskonu reynist olía á eldinn

Athugasemdir

[Oddur Eysteinn Friðriksson (IP-tala skráð) 23.6.2009 kl. 20:33]

Það kemur á óvart að ekki sé aðvarað um hrottafengið efni hér á mbl.is eins og gert hefur verið á öðrum síðum sem hýsa þetta myndband.

Held bara að ástæðan sé sú að búið er að birta þetta í fréttum út um allan heim bæði sjónvarpi, blöðum og á netinu. Þessu myndskeiði er líkt við myndskeiðinu af kínverska stúdentinn sem stóð í veg fyrir skriðdreka 1989, og á að vera táknrænt fyrir mótmælin þarna úti.

Mismunurinn á þessu morði og til dæmis hryðjuverka morði er sá að stjórnvöld eru hér að aflífa saklausan borgara. Þetta er tákn um óréttlæti sem viðgengst í Íran, og heimurinn verður að vera vitni að því.

Annars er ég sammála því sem þú segir í þinni færslu að þessar takmarkanir eru oft á tíðum mjög ósamstíga.

[Óli (IP-tala skráð) 24.6.2009 kl. 10:56]

Má blogga um deyjandi fólk?